काठमाडौं । नेपाली बजारमा आज (मंगलबार) सुनचाँदीको मूल्य घटेको छ।

नेपाल सुनचाँदी व्यवसायी महासंघका अनुसार आज सुनको मूल्य तोलामा एक सय रुपैयाँले घटेको हो ।

आज छापावाल सुन प्रतितोला एक लाख चार सय रुपैयाँमा कारोबार भइरहेको महासंघले जनाएको छ भने तेजाबी सुनको मूल्य प्रतितोला ९९ हजार ९ सय रुपैयाँ कायम भएको छ ।

सोमबार छापावाल सुन प्रतितोला एक लाख पाँच सय रुपैयाँमा किनबेच भएको थियो भने तेजाबी सुनको मूल्य प्रतितोला एक लाख रुपैयाँ थियो ।

आज चाँदीको मूल्य पनि घटेको छ । सोमबार प्रतितोला एक हजार ३८० रुपैयाँ रहेको चाँदीको मूल्य पाँच रुपैयाँ घटेको हो । आज प्रतितोला एक हजार ३७५ रुपैयाँमा कारोबार भइरहेको छ ।

आज अन्तर्राष्ट्रिय बजारमा सुनको मूल्य प्रति औन्स एक हजार ७८९।१० अमेरिकी डलर रहेको छ ।