काठमाडौं। एभरेष्ट बैंकले फोने पे नेपालसँगको सहकार्यमा नेपालमा पहिलो पटक ‘अफलाइन भुक्तानी’ सेवा सञ्चालनमा ल्याएको छ।

बैंकका सम्पूर्ण ग्राहकहरुले आफ्नो मोबाइल बैंकिङ एपबाट यो सेवा उपभोग गर्न सक्नेछन् । बैंकका अनुसार यो सेवा अन्तर्गत ग्राहकहरुले इन्टरनेट वा डाटा कनेक्टिभिटी नहुँदा पनि सजिलै भुक्तानी सुविधा प्राप्त गर्न सक्नेछन्।

यो सेवाको शुभारम्भ बैंकका नायब महाप्रवन्धक आशुतोष शर्मा र फोन पेका प्रमुख कार्यकारी अधिकृत दिवस सापकोटाले संयुक्त रुपमा गरे। कार्यक्रममा बैंकका डिजिटल बैंकिङ विभाग प्रमुख शंकर पोखरेलको पनि उपस्थिति थियो।