back
rajaswo anusandan bhivag
sanima relaiance life insurance

साल्ट ट्रेडिङ कर्पोरेशले मनायो, ६१ औँ वार्षिकोत्सव

2.6K 

shares
sanima relaiance life insurance

काठमाडौं । साल्ट ट्रेडिङ कर्पोरेशन लिमिटेडले स्थापनाकालको ६१औँ वार्षिकोत्सव मनाएको छ । जनतालाई दैनिक उपभोग्य वस्तु उपलब्ध गराउने उद्देश्यका साथ स्थापना भएको कम्पनीले सुपथ मूल्य र सहज रूपमा गुणस्तरीय उपभोग्य वस्तु उपलब्ध आएको कम्पनीले आफ्नो ६१औं वार्षिकोत्सव एक कार्यक्रमका साथ मनाएको हो ।

कार्यक्रममा सुपथ मूल्य र सहज रूपमा गुणस्तरीय उपभोग्य वस्तु उपलब्ध गराउँदै आएको कम्पनीले आगामी दिनमा सेवा विस्तारलाई अझ चुस्तदुरुस्त अगाडि बढाउँदै जाने योजना रहेको कम्पनीकी प्रमुख कार्यकारी अधिकृत उर्मिला श्रेष्ठले बताउइन् ।

कम्पनीले कृषि क्षेत्रको विकासमा समेत योगदान पु¥याउने उद्देश्यले अनुदानित मलको कारोबारमा मात्रै सीमित नभई गैरअनुदानित मल पनि आयात गरी विक्रीवितरण गर्दै आएको उनको भनाइ थियो । उपभोक्तालाई गुणस्तरीय तेल उपलब्ध गराउन कम्पनीले हेटौंडाको नेपाल वनस्पति घ्यू उद्योगबाट सुद्ध तोरीको तेल उत्पादन सुरु गरेको कार्यकारी निर्देशक श्रेष्ठले जानकारी दिइन् ।

उद्योग, वाणिज्य तथा आपूर्तिमन्त्री रमेश रिजालले साल्ट ट्रेडिङ कर्पोरेशनले उपभोग्य वस्तुमात्रै नभएर कृषि क्षेत्रमा पनि काम गर्नुपर्ने आवश्यकता औंल्याए । कम्पनीले नुनलगायत दैनिक अत्यावश्यक उपभोग्य वस्तु सुपथ मूल्यमा सर्वसाधारणमा सहज रूपमा उपलब्ध गराउँदै कृत्रिम मूल्यवृद्धि नियन्त्रणमा सकारात्मक भूमिका खेल्दै आएको उनले बताए ।

सो अवसरमा कम्पनीले कर्मचारीलाई पुरस्कार र कर्मचारीका पढाइमा उत्कृष्ट नतिजा ल्याउने छोराछोरीलाई छात्रवृत्ति प्रदान गरेको थियो । नेपालमा सहज र सुपथ मूल्यमा खाद्य तथा दैनिक उपभोग्य वस्तु बिक्रीवितरण गरेर मुलुकको आपूर्ति प्रणालीमा उल्लेख्य भूमिका खेल्दै आएको कम्पनीले नाकाबन्दी र कोरोना महामारीमा समेत आपूर्ति प्रभावित हुन दिएन ।

निजी क्षेत्रका कतिपय व्यापारीले संकटमा ग्याँस, खाद्यान्नलगायत दैनिक उपभोग्य वस्तुमा कालोबजारी, सिण्डिकेट र कार्टेलिङ गरिरहँदा साल्ट ट्रेडिङ कर्पोरेशनले सहज रूपमा ग्याँसलगायतका खाद्यान्न सामग्री उपलब्ध गराएको थियो । त्यतिबेला साल्ट ट्रेडिङ उक्त कार्यले मौकाको फाइदा उठाएर कालोबजारी र सिण्डिकेट गर्नेहरुविरुद्ध झनै सशक्त रूपमा प्रस्तुत भयो ।

बन्दाबन्दी र निषेधाज्ञाको अवस्थामा कम्पनीले काठमाडौं उपत्यकामा बिक्री कक्ष र मोबाइल भ्यानमार्फत् खाद्य तथा उपभोग्य वस्तुको बिक्री गरेको थियो भने उपत्यकाबाहिरका शहरमा पनि कम्पनीले आवश्यक सेवा प्रदान गरेको थियो । कार्यक्रममा पछिल्ला वर्ष नेपालले सामना गरेको विषम परिस्थितिमा समेत कर्पोरेसनले आपूर्ति व्यवस्था चुस्तदुरुस्त राख्दै सहज रूपमा दैनिक उपभोग्य सामग्री उपलब्ध गराएको विभागीय प्रबन्धक व्रजेशकुमार झाले बताए ।

साल्ट ट्रेडिङले हाल नुन, चिनी, आँटा, मैदा, गेडागुडी, चामल, तेल, ग्याँसका साथै कागज, मल, गहुँको बिउलगायतको पनि कारोबार गर्दै आएको छ भने औद्योगिकीकरण, वित्तीय क्षेत्रमा लगानी विस्तार गरेको छ । पछिल्लो समय कम्पनीले कृषकलाई बिउ पनि उपलब्ध गराउँदै आएको छ । कम्पनीले हाल नेपाल कृषि अनुसन्धान परिषद्(नार्क)ले सिफारिस गरेको गहुँको बिउ उपलब्ध गराउँदै आएको छ । झाका अनुसार कम्पनीले किसानले उत्पादन गरेको गहुँ खरिदको ग्यारेन्टी गर्दै बजार मूल्यभन्दा एक रुपैयाँ बढी दिएर किसानको खेतमै गएर खरिद गर्ने गरेको छ ।


नेपाल लाइफले शिक्षा क्षेत्रमा एक अर्बभन्दा बढी लगानी गर्ने

नेपाल लाइफले शिक्षा क्षेत्रमा एक अर्बभन्दा बढी लगानी गर्ने

काठमाडौं । नेपाल लाइफ इन्स्योरेन्स कम्पनी लिमिटेडले प्रोफेसनल एजुकेटर्स...

धारिलो हतियारको प्रयोगबाट पूर्वराज्यमन्त्री रामचन्द्र रायको हत्या

धारिलो हतियारको प्रयोगबाट पूर्वराज्यमन्त्री रामचन्द्र रायको हत्या

काठमाडौं । गएराति धारिलो हतियार प्रयोगबाट पूर्वराज्यमन्त्री रामचन्द्र रायको...

बंगलादेशमा रहेका सबै नेपाली सुरक्षित छन् : परराष्ट्रमन्त्री राणा

बंगलादेशमा रहेका सबै नेपाली सुरक्षित छन् : परराष्ट्रमन्त्री राणा

काठमाडौं । परराष्ट्रमन्त्री डा. आरजु राणा देउवाले बंगलादेशमा अध्यारत...

नबिल बैंकलाई एकैसाथ चार अवार्ड

नबिल बैंकलाई एकैसाथ चार अवार्ड

काठमाडौं । नबिल बैंक लिमिटेडले एकसाथ चार वटा प्रतिष्ठित...

प्रधानमन्त्री ओलीको प्रत्यक्ष प्रश्नोत्तर आज हुदैँ

प्रधानमन्त्री ओलीको प्रत्यक्ष प्रश्नोत्तर आज हुदैँ

काठमाडौं । प्रधानमन्त्री केपी शर्मा ओलीसँग सांसदहरूको पहिलो प्रत्यक्ष...

‘अभिलाषाका झारहरू’को विमोचन

‘अभिलाषाका झारहरू’को विमोचन

काठमाडौं । नेपाल प्रज्ञा(प्रतिष्ठानको सिद्दिचरण सभाकक्षमा कवि राजेन्द्र ओझा...