काठमाडौं । मंसिर १ गतेदेखि लागू हुने गरी वाणिज्य बैंकहरुले नयाँ निक्षेपको ब्याजदर सार्वजनिक गरेका छन् । वाणिज्य बैंकहरुले नयाँ निक्षेपको सार्वजनिक गरेको ब्याजदर १२ वटा भन्दा बढी बैङ्कहरुले मंशिर महिनाका लागि ब्याजदर घटाएका छन ।

मंसिर महिनाका लागि माछापुच्छ्रे बैंकले मात्रै आफ्नो मुद्दती निक्षेपको ब्याजदर बढाएको छ । उक्त बैंकले कार्तिक महिनामा ९.९९ प्रतिशत रहेको ब्याजदरलाई बढाएर १०.६० प्रतिशत पुर्याएको छ । यस्तै सबैभन्दा बढी एनआईसी एसीया बैंकले २..०४ प्रतिशत मुद्दति निक्षेपको ब्याजदर घटाएको छ ।

मंसिर महिनाका लागि एनएमबी बैंक, ग्लोबल आइएमई बैंक, हिमालयन बैंक, सानिमा बैंक, एभरेष्ट बैंक, नबिल बैंक, कृषि विकास बैंक, नेपाल एसबिआई बैंक, सिटिजन्स बैंक, स्टयाडर्ड चार्टट बैंक, प्रभु बैंक, नेपाल इन्भेष्टमेन्ट मेघा बैंक र राष्ट्रिय वाणिज्य बैंकले आफ्नो ब्याजदर घटाएका छन् ।

नेपाल बैंक, प्राइम बैंक, कुमारी बैंक, लक्ष्मी सनराइज् बैंक र सिद्धार्थ बैंक बैंकले कार्तिक महिनाको ब्याजदरलाई नै निरन्तरता दिएका छन् । चालू आर्थिक वर्षको पहिलो महिनामै १४ बैंकहरुले निक्षेप ब्याजदर बढाएका थिए । चारले घटाए र दुई बैंकले स्थिर राखेका थिए ।