काठमाडौं । कुमारी बैंकको २३औँ वार्षिक साधारणसभा सम्पन्न भएको छ । उक्त साधारणसभा काठमाडौंको त्रिभुवन आर्मी अफिसर्स क्लबमा आइतबार सम्पन्न भएको हो ।

सो साधारण सभाबाट ६ जना सञ्चालक चयन भएका छन्। सञ्चालकमा संस्थापक शेयरधनी समूहबाट अमिरप्रताप जबरा, कर्मचारी सञ्चय कोषका प्रतिनिधि विजयकुमार श्रेष्ठ र पशुपति मुरारका तथा सर्वसाधारण शेयरधनी समूहबाट महेशप्रसाद पोखरेल, राजाराम खड्का र सर्वसाधारण शेयरधनी समूह महिलातर्फ सिम्रन अग्रवाल निर्वाचित भएका छन्।

सभाबाट सामान्य प्रस्तावका रुपमा पेस गरिएको आर्थिक वर्ष २०७९/८० को सञ्चालक समितिको वार्षिक प्रतिवेदन, लेखापरीक्षण प्रतिवेदनसहित आ.व.को २०७९/८० असार मसान्तसम्मको वासलात, नाफा–नोक्सान हिसाबलगायतका वित्तीय विवरण पारित भएका छन् ।

साथै आ.व.को २०८०/८१ का लागि बाह्य लेखापरीक्षक नियुक्ति तथा निजको पारिश्रमिक तोक्ने प्रस्ताव पारित भएका छन् ।