काठमाडौं । नेसनल हाइड्रोपावर कम्पनीले फेरि बार्षिक साधारण सभा गर्ने भएको छ । यसअघि गर्ने भनिएको सभामा गणपूरक संख्या नपुगेपछि फेरि फागुन ३० गतेका लागि समय तोकिएको हो ।

कम्पनीले यसअघि मंसिर २२ र पुस ६ गते बोलाइएको सभामा गणपूरक संख्या नपुगेपछि स्थगित भएको थियो । कमपनीको साधारण सभा डेलिश ओपेरा रेष्ट्रो एन्ड ब्यांकेट बालुवाटारमा बिहान ११ बजेदेखि सुरु हुने छ ।

सभामा कम्पनीको गत आर्थिक वर्ष को नाफा नोक्सान सम्बन्धी छलफल गरी पारित गर्नुका साथै आर्थिक वर्ष २०८०।८१ का लागि लेखापरीक्षक नियुक्ति र पारिश्रमिक निर्धारण गर्ने प्रस्ताव रहेको छ ।