काठमाडौं । नेपाल इन्भेष्टमेन्ट बैंक लिमिटेडले चालु आ.व.को ६ महिनामा २ अर्ब ८३ करोड २३ लाख रुपैयाँ मुनाफा कमाउन सफल भएको छ । चालु आर्थिक वर्ष २०८१।०८२ को दोस्रो त्रैमाससम्मको अपरिष्कृत वित्तीय विवरणअनुसार यस्तो देखिएको हो ।

समीक्षा अवधिमा बैंकको मुनाफा गत आर्थिक वर्षको सोही अवधिको तुलनामा ५७ प्रतिशतले बृद्धि भएको छ । गत आवको सोही अवधिमा बैंकले १ अर्ब ८० करोड १९ लाख रुपैयाँ बराबर मुनाफा आर्जन गरेको थियो ।

बैंकको खुद फि तथा कमिशन आम्दानी ३२.८० प्रतिशत बढेर ७५ करोड ७३ लाख रुपैयाँबाट १० करोड पाँच लाख रुपैयाँ रहेको छ ।

नाफासँगै बैंकको प्रतिशेयर आम्दानी पनि बढेको छ। समीक्षा अवधिमा बैंकको यस्तो आम्दानी ६ रुपैयाँ ४ पैसा बढेर १६ रुपैयाँ ६० पैसा पुगेको छ। पुस मसान्तसम्ममा बैंकको प्रतिशेयर नेटवर्थ १८५ रुपैयाँ रहेको छ भने मूल्य आम्दानी अनुपात १२.७१ गुणा रहेको छ।

पुस मसान्तसम्ममा बैंकले ४ खर्ब ४० अर्ब रुपैयाँ निक्षेप संकलन गरी ३ खर्ब २८ अर्ब रुपैयाँ कर्जा लगानी गरेको छ । ३४ अर्ब १२ करोड ८५ लाख रुपैयाँ चुक्ता पूँजी रहेको यस बैंकको जगेडा कोषमा २९ अर्ब २ करोड ६९ लाख रुपैयाँ सञ्चित छ ।