काठमाडौं । हिमालयन एभरेष्ट इन्स्योरेन्स लिमिटेडले आगामी फागुन २७ गते मंगलबार ३१औं वार्षिक साधारणसभा गर्ने भएको छ । कम्पनीले उक्त सभा काठमाडौंको शंखमुलस्थित अनमोल ब्याङ्क्वेटमा बिहान ११ बजे गर्ने भएको हो ।

सभामा कम्पनीले गत आर्थिक वर्षको लागि कायम चुक्ता पूँजीको ८.७५ प्रतिशत नगद लाभांश (कर समेत) वितरण गर्ने प्रस्ताव पारित गर्ने तयारी गरेको छ । यो प्रस्ताव सञ्चालक समितिले फागुन २ गते बसेको बैठकमा निर्णय गरेको हो।

सभामा गत आर्थिक वर्षको वार्षिक प्रतिवेदन र वित्तीय विवरणहरू छलफल गरी पारित गर्ने, साथै चालू आर्थिक वर्षको लागि लेखापरीक्षक नियुक्ति र पारिश्रमिक निर्धारण गर्ने निर्णय गरिनेछ।

लाभांश वितरण र साधारणसभाको प्रयोजनका लागि कम्पनीले फागुन १५ गते एक दिन बुक क्लोज गर्ने निर्णय गरेको छ ।