काठमाडौं । सिटिजन्स बैंक इन्टरनेशनल लिमिटेडले आफ्नो ११९औं शाखा कार्यालय ललितपुरको हरिसिद्धीमा सञ्चालनमा ल्याएको छ। यससँगै बैंकको काठमाडौं उपत्यकामा ४० वटा र बाग्मती प्रदेशमा ५६ वटा शाखा कार्यालय सञ्चालनमा आएका छन्।

हरिसिद्धीमा आज आयोजित एक कार्यक्रमका बीच बैंक संचालक समितिका अध्यक्ष प्रबल जंग पाण्डेले नयाँ शाखाको उद्घाटन गरेका हुन्। कार्यक्रलाई सम्बोधन गर्दै उनले ग्राहकलाई सर्वसुलभ र सुरक्षित बैंकिङ्ग सेवा पुर्याउँदै विश्वास र समर्थन जितेर यहाँसम्म आइपुग्न सफल भएको बताए।

उद्घाटन समारोहमा बैंक संचालक समितिका सदस्यहरू, प्रमुख कार्यकारी अधिकृत र उच्च व्यवस्थापन समूह, स्थानीय निकायका प्रतिनिधिहरू, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाहरुको बाक्लो समेत उपस्थिति रहेको थियो ।