काठमाडौं । आइसक्रिम ब्राण्ड बास्किन रोबिन्सले नेपालमा आफ्नो ३४औँ शाखा काठमाडौंको वसन्तपुरमा सञ्चालनमा ल्याएको छ। यो शाखा नेपालको ऐतिहासिक र जीवन्त स्थानहरू मध्ये एक वसन्तपुरमा खोलिएको हो। नेपालमा बास्किन रोबिन्सको आधिकारिक आयातकर्ता तथा वितरक सन इन्टरनेशनल इन्कर्पोरेटेड प्रा. लि. द्वारा सञ्चालित यो शाखाले उत्कृष्ट आइसक्रिमको अनुभव दिने संकल्प लिएको छ।

वसन्तपुर शाखाले बास्किन रोबिन्सका प्रसिद्ध ३१ फ्लेबर र प्रिमियम आइसक्रिम केकहरू प्रदान गर्नेछ। उद्घाटन समारोहमा नेपालको समृद्ध नेवारी संस्कृतिलाई सांगीतिक प्रस्तुतिसँग जोड्दै परम्परा र आधुनिकतालाई एकसाथ प्रस्तुत गरियो।

बास्किन रोबिन्सले आफ्ना ग्राहकहरूलाई उच्च गुणस्तरीय सामग्रीबाट तयार गरिएका विभिन्न फ्लेबरहरू प्रदान गर्दै खुशी बाँड्ने यात्रामा अगाडि बढिरहेको छ।