काठमाडौं । रिलायबल नेपाल लाइफ इन्स्योरेन्सले एमडीआरटी सम्मान कार्यक्रम सम्पन्न गरेको छ । सन् २०२५ को एमडीआरटी लक्ष्य प्राप्त गर्न सफल भएका अभिकर्ताहरुको सम्मानको लागि आयोजित उक्त कार्यक्रम काठमाडौंको होटल क्रिस्टल पशुपतिमा सम्पन्न भएको हो ।

कम्पनीका प्रमुख कार्यकारी अधिकृत नारायण बाबु लोहनी तथा उच्च पदस्थ कर्मचारीहरुले कम्पनीका देशभरी सञ्चालन रहेका शाखा कार्यालयबाट उत्कृष्ठ व्यवसाय गरी एमडीआरटी बनेका अभिकर्ताहरुलाई सम्मान गरेको कम्पनीले जनाएको छ ।

कार्यक्रममा कम्पनीका प्रमुख कार्यकारी अधिकृत नारायण बाबु लोहनी, नायब प्रमुख कार्यकारी अधिकृत दिपेश बाबु तिवारी, एसिस्टेन्ट जनरल म्यानेजर शैलेन्द्र श्रेष्ठ तथा उच्च पदस्थ कर्मचारी तथा अभिकर्ताहरुको उपस्थिती रहेको थियो ।