काठमाडौं । एनआईसी एसिया बैंकले २७औँ वार्षिक साधारणसभा सम्पन्न गरेको छ । बैंकले बिहीबार काठमाडौं भद्रकालीस्थित आर्मी अफिसर्स क्लबमा सभा सम्पन्न गरेको हो ।

उक्त सभाले आर्थिक वर्ष २०८०÷८१ को सञ्चालक समितिको प्रतिवेदन, लेखापरीक्षकको प्रतिवेदनसहित २०८१ असार मसान्तसम्मको वासलात, नाफा–नोक्सान हिसाब तथा नगद प्रवाह विवरण लगायतका वार्षिक विवरणहरू छलफल गरी पारित गरेको छ । त्योसँगै बैंकको प्रबन्धपत्र र नियमावलीमा समसामयिक संशोधन तथा थप गर्ने प्रस्ताव पनि पारित गरेको छ ।

बैंक सञ्चालक समितिले प्रस्ताव गरे बमोजिम सम्बन्धित निकायहरूको आवश्यक स्वीकृति प्राप्त गरी प्रतिसेयर १०० का दरले पाँच अर्ब रुपैयाँ बराबरको एनआईसी एसिया अग्राधिकार सेयर जारी गर्ने प्रस्ताव पारित गरेको छ ।