काठमाडौं । शिक्षा, विज्ञान तथा प्रविधिमन्त्री विद्या भट्टराईले कक्षा १० को परीक्षा प्रदेशलाई हस्तान्तरण गर्ने बताएकी छिन् । बिहीबार शिक्षा पत्रकार सञ्जाल (इजोन)ले आयोजना गरेको साक्षात्कार कार्यक्रममा बोल्दै उनले यस्तो बताएका हुन् ।

उनले भनिन् ‘१० को प्रदेशलाई हस्तान्तरण गर्ने तयारीमा छौं’।

राष्ट्रिय परीक्षा बोर्ड पनि एउटा मात्र राखिने बताउँदै नतिजा सुधारको लागि पनि कार्यदल बनाएर काम गरिरहेको उनको भनाइ छ ।

मन्त्री भट्टराईका अनुसार ‘कक्षा ९ र ११ मा रजिस्ट्रेशन शुल्क नलिने निर्णय भएको छ । अब ९ मा मात्र रजिस्ट्रेशन फारम भरे हुन्छ । आगामी वर्षदेखि रजिस्ट्रेशन शुल्क लाग्दैन । विद्यार्थीबाट विलम्ब शुल्क पनि नलिने निर्णय गरेको छ ।