काठमाडौं । स्वास्थ तथा जनसंख्यामन्त्री मोहनबहादुर बस्नेतले सुधारका काम र सुशासन कायम गर्न हरपल लागिरहेका बेला आज आफ्नै मन्त्रालयको अबस्था देखेर तीनछक परेका छन् ।

मन्त्री बस्नेतले मन्त्रालयमा जतासुकै फोहोर र पुराना थोत्रा काम नलाग्ने सामानहरु रहेकाले त्यसलाई हटाउन र सफा गर्न लगाएका हुन् । उनले मन्त्रालयमा हेर्दै लाजमर्दो र जीर्ण अवस्थामा रहेका झ्याल ढोका र बैगैचा आदिलाई सरसफाइ गर्न लगाएका छन् ।

त्यसैगरी मन्त्री बस्नेतले हेटौंडा अस्पतालको आकस्मिक भ्रमण गरी सुधार गर्न र अभाव रहेका सामानको बारेमा जानकारी लिएका छन् । उता मन्त्री बस्नेतले ट्रमा सेन्टर, धुलिखेल सरकारी अस्पताल लगायत प्रायःजसो सबैमा भ्रमण गर्ने योजना रहेको बताएका छन् ।

अहिले स्वास्थमन्त्री रफ्तारमा जनस्वास्थ्यको विषयमा काम गर्न कुनै कमिकमजोरी नहोस् भनी दत्तचित्त भएर लागि परेको प्रत्यक्षदर्शीको भनाइ छ । त्यसैगरी उनले गरीव तथा विपन्नलाई सरकारी अस्पतालमा निःसुल्क उपचार गर्ने निर्देशनसमेत दिएका छन् ।

त्यसकारण पनि स्वास्थमन्त्री बस्नेतको कामप्रति आमनागरिक र कर्मचारीहरुको सकारात्मक धारणा रहेको बताइएको छ ।