मोरङ । अमेरिकी राजदूत थम्पसन र विराटनगर महानगरका प्रमुख नागेशसँग भेटवार्ता भएको छ । अमेरिकी राजदूत डिन आर थम्पसनले विराटनगर महानगर विकास र नेपालका लागि समन्वय गर्न तयार रहेको बताएका छन्।

विराटनगर महानगरका मेयर नागेश कोइरालासँगको भेटका क्रममा राजदूत थम्पसनले विराटनगरको शिक्षा र स्वास्थ्य क्षेत्रको विकासका लागि अमेरिकी सरकारसँग समन्वयकारी भूमिका खेल्ने बताएका छन्।

राजदूत थम्सनले भारतीय सीमा क्षेत्रसँग महानगर जोडिएको सन्दर्भमा मानव बेखविखन र ओसारपसारका सम्बन्धमा समेत जिज्ञासा राखेका थिए। त्यस्तै मेयर कोइरालाले महानगरको सीमा भएर बग्ने केशलिया र सिंघिया खोलाका कारण विराटनगरमा डुबान समस्या रहेको बताए।

भेटका क्रममा उपमेयर शिल्पा निराला कार्कीले न्यायिक समितिले गरेका कामकारबाहीका बारेमा जानकारी गराएकी थिइन्।