वाग्मतीका मुख्यमन्त्री लामालालाई विश्वासको मत प्राप्त
354
shares
काठमाडौं । वाग्मती प्रदेशका मुख्यमन्त्री बहादुरसिंह लामाले प्रदेशसभामा विश्वासको मत पाएका छन् ।
मंगलबार बसेको प्रदेशसभा बैठकमा मुख्यमन्त्री लामाले राखेको विश्वासको मतको प्रस्ताव बहुमत प्राप्त गरेका हुन् । विश्वासको मतसम्बन्धी प्रस्तावमा भएको मतविभाजनमा मुख्यमन्त्री लामाले ६४ मत पाएका छन् भने विपक्षमा ३५ मत मात्र परेको थियो ।
त्यसैगरी विश्वासको मत दिने क्रममा तीन सांसद तटस्थ बसेका थिए । वाग्मती प्रदेशसभाका सभामुख भुवन पाठकले मुख्यमन्त्री लामाको पक्षमा परेको मत प्रदेशसभाको बहुमत भएकाले विश्वासको मतको प्रस्ताव बहुमतले पारित भएको घोषणा गरेका हुन् ।
मुख्यमन्त्री लामा गत साउन ८ गते एमाले र कांग्रेसको गठबन्धनबाट प्रदेशको मुख्यमन्त्री बनेका थिए ।
वि.सं.२०८१ साउन १५ मंगलवार १७:४४
