काठमाडौं । प्रमुख प्रतिपक्ष दल नेकपा ९एमाले० र लोकतान्त्रिक समाजवादी पार्टी (लासपा) ले चुनावी गठबन्धन गर्ने तयारी थालेका छन् । यी दुई दलबीच चुनावी गठबन्धनका लागि छलफल शुरु भएको छ । तर, एमालेले भने मधेस प्रदेशमा मात्र चुनावी गठबन्धन गर्नेगरी छलफल भइरहेको बताएको छ ।

एमाले(लोसपा गठबन्धनलाई मूर्त बनाउन दुबै पार्टीका अध्यक्ष छलफलमा जुटेका छन् । एमाले अध्यक्ष केपी शर्मा ओली र लोसपा अध्यक्ष महन्थ ठाकुरबीच संवाद सुरु भएको छ । उनीहरू गठबन्धन गरेर चुनावी मैदानमा जान सकारात्मक भए पनि गठबन्धनको मापदण्डको विषयमा भने छलफलले प्रवेश पाएको छैन ।

लोसपा नेता डा। सुरेन्द्र झाले लोसपाले राष्ट्रिय पार्टीहरूसँग छलफल गर्ने जिम्मा अध्यक्ष महन्थ ठाकुरलाई दिएको छ । ठाकुरले गठबन्धनको विषयमा एमाले अध्यक्ष ओलीसँग छलफल गरेको उनले जानकारी दिए ।

‘गठबन्धन सम्बन्धी निणर्य गर्ने सम्पूर्ण अधिकार अध्यक्ष ज्यूलाई हामीले दिएका छौं । उहाँले एमाले अध्यक्ष ओलीसँग कुराकानी गर्नु भएको छ’, उनले भने । एमाले प्रचार विभाग उपप्रमुख विष्णु रिजालले चुनावी सहकार्यका लागि छलफल भइरहेको जानकारी दिए । ‘हामी छलफलमा छौं । छलफल सकारात्मक छ’, उनले भने ।