back
health 2
aids

काठमाडौं क्षेत्र नम्बर २ का सांसदहरुलाई कोटेश्वर क्याम्पसको सम्मान

348 

shares

काठमाडौं । कोटेश्वर बहुमुखी क्याम्पसले काठमाडौं क्षेत्र नम्बर २ का संघिय सांसद र प्रदेश सांसदहरुलाई मंगलबार सम्मान गरेको छ । क्याम्पसले एक समारोहको आयोजना गरि क्याम्पस प्रांगणमा काठमाडौं क्षेत्र नम्बर २ बाट संघिय सांसदमा निर्वाचित सोबिता गौतम, प्रदेश ‘ख’ का सांसद शुनिल केसी र बाग्मती प्रदेशबाट समानुपातिक सांसद उर्मिला सुनुवारलाई सम्मान गरेको हो ।

क्याम्पस व्यवस्थापन समितिका अध्यक्ष रामबाबु नेपाल र क्याम्पस प्रमुख गोविन्दबहादुर कार्कीले तिनै जना सांसदहरुलाई दोसल्ला, माला र सम्मान पत्र प्रदान गरेर सम्मान गरेका हुन । सामुदायिक क्याम्पसको रुपमा काठमाडौंको क्षेत्र नम्बर २ को जडिबुटीमा रहेको कोटेश्वर बहुमुखी क्याम्पसको विधान अनुसार सो क्षेत्रका सांसद क्याम्पस सभा सदस्य ९सिनेट सदस्य० रहने व्यवस्था छ ।

सम्मान कार्यक्रममा बोल्दै क्याम्पस प्रमुख गोविन्दबहादुर कार्कीले त्रिभुवन विश्वविद्यालयले मात्र विद्यार्थीको चाप धान्ने अवस्था नरहेकोले बाग्मती प्रदेशमा सामुदायिक विश्वविद्यालय स्थापना गर्नु पर्ने टड्कारो आवश्यकता रहेको जानकारी गराउदै त्यसको लागि कोटेश्वर बहुमुखी क्याम्पस उपयुक्त हुने दावी गरे ।

क्याम्पस प्रमुख कार्कीले भने, ‘सामुदायिक विश्व विद्यालय स्थापनाका लागि विधेयक बाग्मती प्रदेश सरकार समक्ष पुगिसकेको छ । त्यसलाई नव निर्वाचित सांसदहरुले यथासक्य चाडो अगाडि बढाएर पास गर्नु आवश्यक देखिएको छ । ’ उक्त विधेयक पास गर्न सांसदहरुको विशेष सहयोग हुने अपेक्षा आफुहरुको रहेको कार्कीले बताए ।

नेपाल प्राध्यापक संघ, कोटेश्वर क्याम्पस इकाई सभापति सुरेश पोखरेलले क्याम्पसमा न्यून आर्थिक अवस्था भएका चार हजार भन्दा बढी विद्यार्थी अध्ययन गरिरहेको अवगत गराउदै क्याम्पसको वृति विकासमा निर्वाचित युवा सांसदहरुको पनि हातेमालो हुनु पर्ने बताए ।

नेपाल विद्यार्थी संघ, क्याम्पस इकाईका अध्यक्ष सञ्जय बुढाथोकीले विद्यार्थीको चापको अनुपातमा क्याम्पसको भौतिक संरचनाको अभाव भएकाले सांसदहरुको सहयोग र सहकार्य आवश्यक रहेको औल्याए । क्याम्पस व्यवस्थापन समितिका अध्यक्ष रामबाबु नेपालले युवा सांसदहरुबाट जनताले मात्र नभएर क्याम्पस परिवारले पनि ठूलो आशा राखेको बताउदै शिक्षा क्षेत्रको विकासका लागि हातेमालो गर्दै अगाडि बढ्नु पर्नेमा जोड दिए ।

कार्यक्रममा तिनै जना सांसदहरुले क्याम्पसलाई आफूहरुको रचनात्मक सहयोग रहने बताएका थिए । सो अवसरमा लोक गायक कमलीकान्त भेटुवालले गीत संगीतका माध्यमबाट मनोरञ्जन प्रदान गरेका थिए ।


मंगलादेवी फाउन्डेसनद्वारा चियापान कार्यक्रम सम्पन्न

मंगलादेवी फाउन्डेसनद्वारा चियापान कार्यक्रम सम्पन्न

काठमाडौं । नेपाली कांग्रेसको महासमिति बैठकमा भाग लिन आएका...

प्रसूति गृहमा आमाको हातबाटै बच्चा चोेरी

प्रसूति गृहमा आमाको हातबाटै बच्चा चोेरी

काठमाडौं । काठमाडौंको थापाथलीस्थित परोपकार स्त्री तथा प्रसूति रोग...

सिटिजन्स बैंकद्वारा वृद्धाश्रमलाई सहयोग

सिटिजन्स बैंकद्वारा वृद्धाश्रमलाई सहयोग

काठमाडौं । सिटिजन्स बैंक इन्टरनेसनल लिमिटेडले सत्य साई वृद्धाश्रमलाई...

सिटी एक्सप्रेसको योजनाको उपहार हस्तान्तरण कार्यक्रम सम्पन्न

सिटी एक्सप्रेसको योजनाको उपहार हस्तान्तरण कार्यक्रम सम्पन्न

काठमाडौं । सिटी एक्सप्रेसले विदेशबाट सिटी पठाऔँ, पठाएकोभन्दा १०...

औषधि व्यवस्था विभागको अर्धवार्षिक समिक्षा सम्पन्न

औषधि व्यवस्था विभागको अर्धवार्षिक समिक्षा सम्पन्न

काठमाडौं । औषधि व्यवस्था विभागले आर्थिक वर्ष २०८०/०८१ मा...

राष्ट्रियसभाका सांसदद्वारा मिटरब्याज पीडितलाई न्याय दिलाउन माग

राष्ट्रियसभाका सांसदद्वारा मिटरब्याज पीडितलाई न्याय दिलाउन माग

काठमाडौँ। राष्ट्रियसभाका सदस्यले मिटरब्याज पीडितलाई न्याय दिलाउन सरकारको ध्यानाकर्षण...