काठमाडौं । । दोलखाको कटुवाचौर बजारमा आगलागी भएको छ । सो आगलागिबाट ९ घर जलेर नष्ट हुन पुगेको छ । कालिन्चोक गाउँपालिकाका प्रमुख प्रशासकीय अधिकृत नवराज ओलीका अनुसार कालिन्चोक गाउँपालिका वडा नम्बर ९ मा गएराति कटुवाचौर बजारमा भीषण आगलागीमा परी ९ घर जलेर पुर्णरुपमा नष्ट भएको छ ।

सन्तोष सेढाई, दुर्गा दाहाल, चित्र प्रसाद सेढाई, स्वस्तानी खड्का, शंकर ओली, पुस्कर ओली, रुद्र बहादुर ओली, गोपिलाल थामी, राम बहादुर थामीको
आगलागीबाट जलेर नष्ट भएको् उनको भनाइ छ ।

रुद्र बहादुर ओलीको घरबाट आगलागी सुरु भएको बताइएको छ । विद्युत सर्ट भएर आगलागी भएको आशङ्का गरिए पनि आगलागीको यकिन कारण भने खुल्न सकेको छैन । सदरमुकाम चरिकोटबाट खटिएको प्रहरी सशस्त्र, दमकल सहितको टोली आगो नियन्त्रण गर्न समेत पुगेको छ । स्थानीयका अनुसार आगलागीका कारण लाखौँको धनजनको क्षेति हुनका साथै पशुचौपाया पनि आगोले जलेर नष्ट भएका छन् ।