स्वास्थ्यमा थप समस्या आएपछि पूर्वप्रधानसेनापति कटवाल आईसीयूमा

काठमाडौं । दुवै मिर्गौला फेल भएर डायलासिस गराउँदै आएका पूर्वप्रधानसेनापति रुकमाङ्गद कटवाल आईसीयूमा भर्ना भएका छन् । उनी छाउनीस्थित सैनिक अस्पतालमा उपचाररत भइरहेको छ । स्वास्थ्यमा थप समस्या आएपछि आईसीयूमा राखेर उपचार भइरहेको नेपाली सेनाका प्रवक्ता सहायक रथी कृष्णप्रसाद भण्डारीले जानकारी दिए।
मृगौलामा समस्या देखिएपछि साताको दुई दिन डायलासिस गराइरहनु भएको थियो’, भण्डारीले भने, ‘थप समस्या देखिएपछि उनी मगलबारदेखि आईसीयूमा हुनुहुन्छ।’ कटवालको स्वास्थ्यमा क्रमिक सुधार भइरहेको प्रवक्ता भण्डारीले बताए।
कटवाल २०६३ भदौ २४ देखि प्रधानसेनापति भएका थिए। २०६६ साल वैशाख २० उनलाई प्रधानसेनापतिबाट हटाउने तत्कालीन प्रधानमन्त्री पुष्पकमल दाहाल ‘प्रचण्ड’को प्रयास असफल भएको थियो। यही प्रकरणमा प्रचण्डले प्रधानमन्त्रीबाट राजीनामा दिएका थिए।
वि.सं.२०७९ माघ २० शुक्रवार ०९:५४