आधा विश्व अहिले चुनावी प्रक्रियामा होमिएको छ : डा. यादव
426
shares
काठमाडौं । प्रथम राष्ट्रपति डा. रामवरण यादवले यतिबेला विश्वमा लोकतन्त्र खतरामा पर्दै गएको बताएका छन् । नेपाली कांग्रेसकी नेत्री शैलजा आचार्यको १५औँ स्मृति दिवसका अवसरमा काठमाडौंमा आयोजित कार्यक्रममा बोल्दै उनले नेपालमा पनि लोकतान्त्रिक व्यवस्था खतरामा परेको बताएका हुन् ।
देशमा लोकतन्त्रको जग बलियो बनाउने राजनीतिक दल जिम्मेवार हुनुपर्ने भन्दै त्यसका लागि नेपाली कांग्रेस बढी जिम्मेवार हुनुपर्ने उनको भनाइ छ ।
उनले भने, “यो संविधानलाई कसरी सही संरक्षण गरेर अघि लाग्न सकिन्छ, कसरी बचाएर अगाडि लाने र देशलाई सही बाटोमा हिँडाउने काम कांग्रेसको काँधमा छ ।” त्यस्तै उनी भन्छन्, “अहिले विश्वमा नै लोकतन्त्र खतरामा परेको छ । नेपालमा पनि लोकतन्त्रको जग बचाउने काम कांग्रेसको हो ।”
आधा विश्व अहिले चुनावी प्रक्रियामा होमिएको उल्लेख गर्दै भारतको निर्वाचन र त्यसको परिणामले लोकतान्त्रिक व्यवस्थामाथि सन्देश दिएको उनले स्मरण गराए ।
वि.सं.२०८१ जेठ २८ सोमवार १९:४०