काठमाडौं । उच्च अदालतको न्यायाधीशबाट रेणुका साहलाई बर्खास्त गर्ने न्याय परिषद्को निर्णयसम्बन्धी फाइल झिकाउन सर्वोच्च अदालतले आदेश दिएको छ ।

न्यायाधीश नहकुल सुवेदीको एकल इजलासले साहलाई न्यायाधीशबाट हटाउने परिषद्को निर्णयको फाइल इजलासमा ल्याउन आदेश दिएको हो ।

उच्च अदालत तुलसीपुरको बुटवल इजलासकी न्यायाधीश साहलाई असार २४ गते न्याय परिषद्ले बर्खास्त गरेको थियो । परिषद्को निर्णयविरुद्ध साह सर्वोच्च अदालत पुगेकी थिइन् ।

न्याय परिषद्को असार २४ गतेको बैठकले उच्च अदालत तुलसीपुरको बुटवल इजलासकी न्यायाधीश साहलाई योग्यता नपुगेको भन्दै पदबाट बर्खास्त गरेको थियो । साह पूर्वप्रधानन्यायाधीश रामकुमारप्रसाद साहकी छोरी हुन् ।