काठमाडौं । नेपाली कांग्रेसका सभापति शेरबहादुर देउवा र प्रतिनिधिसभाका सभामुख देवराज घिमिरे कीर्तिपुर अस्पताल पुगेका छन् ।

बिहीबार बिहान अस्पताल पुगेका देउवाले आगोले जलेर घाइते भएका सांसद चन्द्र भण्डारी र उनकी आमाको स्वास्थ्य अवस्थाबारे जानकारी लिएका छन् ।

उनीहरुले सांसद भण्डारीको स्वास्थ्य अवस्थाबारे अस्पतालका प्रमुख डा. किरण भण्डारीसँग जानकारी लिएपछि उपचारमा कमी हुन नदिन र संवेदनशील हुन समेत ध्यानाकर्षण गराएका छन् ।

खाना पकाउने ग्याँस सिलिण्डर विस्फोटबाट घाइते भएका सांसद भण्डारी र उनकी आमा हरिकला भण्डारीको अवस्था गम्भीर रहेको उपचारमा संलग्न चिकित्सकले जनाएका छन् ।

शरीरको २५ प्रतिशत भाग जले पनि सांसद भण्डारीको फोक्सोमा समेत असर परेकाले थप उपचारका लागि भारत लैजान चिकित्सकले सिफारिस गरेका छन् । गएराति बुद्धनगरस्थित निवासमा ग्याँस सिलिण्डर विस्फोट हुँदा भण्डारी आमा–छोरा जलेर घाइते भएका हुन् । सो घटना हुनसाथ उनहिरुलाई राति नै कीर्तिपुर अस्पतालमा पु¥याएपछि अहिले उनीहरुकोआईसीयूमा राखेर उपचार भइरहेको छ ।

अहिले घाइते सांसद भण्डारी र उनकी आमाको उपचारका लागि भारत लैजाने तयारी भइरहेको छ ।