काठमाडौं । चर्चिात लोक गायिका मिरा पोखरेलको ‘मनको चाहना’ नामक नयाँ म्युजिक भिडियो सार्वजनिक भएको छ । गायक कुमार कार्की र गायिका मिरा पोखरेलको सुमधुर स्वर सजिएको यस ‘मनको चाहना’ नामक नयाँ नेपाली लोक गीत ठेट भाका र टिपिकल शब्दले सिंगारिएको छ ।

‘मनको चाहना’ नयाँ लोक गीतले पुरानादेखि अहिलेका पुस्तालाई पनि राम्रोसँग समेटेको छ । ‘मनको चाहना’ नामक म्युजिक भिडियोमा हास्य कलाकार ‘बले’, अनिता बस्नेत, मिसन पोखरेल र बविता पोखरेलको दमदार अभिनय रहेको छ ।

विगत एक दशक अगाडिदेखि नेपाली सांगीतिक बजारमा लोकप्रियता कमाएकी मिराको यसअघि नै दर्जनौं गीत सार्वजनिक भइसकेका छन् । उनको भर्खरै सार्वजनिक भएको म्युजिक भिडियोले राम्रैसँग सांगीतिक बजार तताउने गीत, संगीत पारखीको आँकलन छ ।

गाउँघरमा बोलिने झर्रा शब्दले सिंगारिएको यस गीतमा खाँटी नेपालीपन पाइन्छ । प्रकाश भट्टको निर्देशन रहेको यस ‘मनको चाहना’ तीतको म्यूजिक भिडियो अनिता बस्नेतको युटुब च्यालनबाट सार्वजनिक भएको छ ।