लागूऔषधसहित पाँच जना नियन्त्रणमा
342
shares
मकवानपुर । प्रहरीले हेटौँडा उपमहानगरपालिकाको छुट्टाछुट्टै स्थानबाट लागूऔषधसहित पाँच जनालाई नियन्त्रणमा लिएको छ ।
हेटौँडा उपमहानगरपालिका–१६ हटियाबाट पाँच किलो चार सय ग्राम लागूऔषध खैरो हेरोइनसहित ३९ वर्षीय सुवास लामिछाने र हेटौँडा–७ बस्ने २८ वर्षीय विकेश गौतमलाई पक्राउ गरेको प्रहरीले जानकारी दिएको छ ।
त्यस्तै, हेटौँडा उपमहानगरपालिका–१२ नयाँ पुलस्थित भित्री बाटोबाट विभिन्न प्रकारको लागूऔषधसहित दुई जनालाई नियन्त्रणमा लिएको छ ।
प्रहरीले हेटौँडा उपमहानगरपालिका–१२ बस्ने २७ वर्षीय रमेश विश्वकर्मा र २७ वर्षीय सजन विश्वकर्मालाई पक्राउ गरेका हुन् ।
त्यसैगरी प्रहरीले हेटौँडा उपमहानगरपालिका–१९ गुम्बाचोकबाट पाँच किलो चार सय ग्राम लागूऔषध गाँजासहित एक जनालाई नियन्त्रणमा लिएको छ ।
हेटौँडा–३ बसामाडी बस्ने ४२ वर्षीय लक्ष्मण बललाई पक्राउ गरेको प्रहरीले जनाएको छ ।
वि.सं.२०७९ साउन २४ मंगलवार १७:५७
