काठमाडौं । नेपाली कांग्रेस संसदीय दलको बैठक आज दिउँसो २ बजे बस्दै छ । बैठक संसद् भवन नयाँ वानेश्वरस्थित ल्होत्से हलमा बस्नेछ ।

बैठकमा यही असोज १० देखि १२ गतेसम्म परेको अविरल वर्षाका कारण आएको बाढीपहिरोसहितका विपत्तिमा नागरिकका समस्यासँग जोडिने र त्यस्ता समस्याबाट नागरिकलाई बाहिर निकाल्ने विषयमा छलफल हुने जनाइएको छ ।

बैठकमा सुरुमा बाढीपहिरो तथा त्यसबाट निम्तिएको संकट र क्षतिका विषयमा सरकारमा रहेका मन्त्रीहरूले आआफ्ना क्षेत्रको ब्रिफिङ गर्ने कार्यसूची रहेको छ ।