नेपालको चियालाई भारतले थप ४० प्रतिशत कर लगाएको विषयमा ध्यानाकर्षण
462
shares
काठमाडौँ । प्रधानमन्त्री शेरबहादुर देउवासँग नेकपा ९एकीकृत समाजवादी०का सम्मानित नेता झलनाथ खनाल नेतृत्वको प्रतिनिधिमण्डलले भेट गरी नेपालको चियालाई भारतले थप ४० प्रतिशत कर लगाएको विषयमा ध्यानाकर्षण गराएको छ ।
बालुवाटारस्थित प्रधानमन्त्री निवासमा आज प्रधानमन्त्री देउवासँग पूर्व प्रधानमन्त्री खनाल नेतृत्वको प्रतिनिधिमण्डलले भेट गरेको हो ।
पूर्व प्रधानमन्त्री खनालका स्वकीय सचिव कृष्ण भट्टराईले सो अवसरमा स्वदेशी चिया व्यवसायीको समस्याका विषयमा भएको छलफलपछि प्रधानमन्त्री देउवाले समस्या समाधानका लागि सक्दो सहयोग गर्ने प्रतिबद्धता व्यक्त गरेको जानकारी दिए ।
उक्त भेटमा प्रधानमन्त्री देउवा र नेता खनालबीच समसामयिक राष्ट्रिय राजनीति, राष्ट्रिय अर्थतन्त्र र विदेश नीति, आगामी निर्वाचन र गठबन्धन लगायतको विषयमा समेत छलफल भएको बताइएको छ ।
वि.सं.२०७९ साउन २४ मंगलवार १७:५९
