स्यालको टोकेर दुई जना घाइते
264
shares
कञ्चनपुर । कञ्चनपुरमा आज बिहान बहुला स्यालको टोकाइबाट दुई जना घाइते भएका छन ।
जिल्लाको शुक्लाफाँटा नगरपालिकाका वडा नं ८ की ६० वर्षीया राजकुमारी चौधरी र वडा नं ९ का ४५ वर्षीय गोकर्ण चौधरी घाइते भएका स्रोतले जनाएको छ ।
मंगलबार बिहान आँगनमा फूलका बिरुवा रोप्दै गरेका बेला एक्कासी आएको स्यालले दाँया हात र दायाँ खुट्टामा टोकेर गहिरो घाउ बनाएको राजकुमारीका श्रीमान् पल्टा चौधरीले बताए ।
यसैगरी, गोकर्णलाई समेत स्यालले गोडामा टोकेर गहिरो घाउ बनाएको छ । दुवै जनालाई उपचारका लागि महाकाली अस्पताल महेन्द्रनगर लगिएको छ। स्यालले घर आँगनमै आएर टोक्न थालेपछि यस क्षेत्रको जनजीवन निकै त्रासमय छ।
वि.सं.२०७९ साउन २४ मंगलवार १८:००
