काठमाडौं । अष्ट्रेलियाका लागि नेपाली राजदूतमा चित्रलेखा यादव नियुक्त भएकी छिन् । मन्त्रिपरिषद्को सिफारिसमा राष्ट्रपति रामचन्द्र पौडेलले यादवलाई राजदूतमा नियुक्त गरेका हुन् ।

नेपालको संविधानको धारा २८२ को उपधारा १ बमोजिम सरकारको सिफारिसमा राष्ट्रपतिले राजदूत नियुक्त गर्ने व्यवस्था गरिएको छ । यादव गत असोज १६ गते बसेको संसदीय सुनुवाइ समितिबाट राजदुतमा अनुमोदित भएकी हुन् ।