काठमाडौं । प्रधानमन्त्री केपी शर्मा ओली यहि मंसिर १६ गतेदेखि चीन भ्रमणमा जाँदैछन् । बिहीबारको मन्त्रिपरिषद् बैठकले प्रधानमन्त्रीको चीन भ्रमण स्वीकृत गरिसकेको छ ।

प्रधानमन्त्री चीन जानुअघि नै परराष्ट्रमन्त्री डा आरजू राणा देउवा चीन पुगिसकेकी छन् । उनी चिनियाँ विदेशमन्त्रीको निमन्त्रणामा बुधबार चीनको छेन्दु पुगिसकेकी छन् ।

प्रधानमन्त्रीको टोली ८७ सदस्यीय हुने भएका छन्, जसमा मन्त्रीसहित ३९ जना सरकारी अधिकारी र निजी क्षेत्रका ४८ जना प्रतिनिधि पनि भ्रमण दलमा सहभागी हुने तय भएको छ ।