गणेश शर्मा
काठमाडौं, मंसिर २१। सिद्धार्थ बैंक नेपाल प्रीमियर लिग एनपीएलमा कर्णाली याक्सले चितवन विरुद्ध ६ विकेटको रोमाञ्चक जित निकालेको छ । कर्णाली विरुद्ध टस हारेर ब्याटिङको निम्तो पाएको चितवन राईनोजले १३१ रनको लक्ष्य प्रस्तुत गरेको थियो ।

ब्याटिङमा खराब सुरुवात गरेको राईनोजले रबि बोपाराको अविजित ५९ रनको अर्धशतकीय पारीको मद्दतले ७ विकेटको नोक्सानीमा जम्मा १३० रन बनायो । राईनोजको लागी ओपनिङमा आएका लुक बेन्केन्स्टेन ५ बलमा कुनै पनि रन जोड्न सकेनन । उनलाई सोमपाल कामीले बोल्ड आउट गरेका हुन । यस्तै अर्का ओपनर दिपक बोहोराले ८ बलमा ८ रन बनाएर नन्दन यादवको बलमा आउट भए । मध्यक्रममा ब्याटिङ गर्न आएका बिपिन रावल ११ रनमा आउट भए । कप्तान कुशल मल्लले २७ बलमा २३ रनको पारी खेल्दै को बलमा आउट भए । इटन र रौटेलाले समान ९ बनाएर आउट भए भने सोहली तनभिरले खाता खोल्न सकेनन । सरद भेषावकर ६ रनमा अविजित रहे ।

यस्तै बलिङमा बिपिन शर्माले ४ ओभरमा २१ रन खर्चिदै ३ विकेट लिए । जिसान मक्सुदले २ तथा सोमपाल र नन्दनले समान १ विकेट लिए ।

१३१ रनको सामान्य लक्ष्य पछ्याउँन आएको कर्णालीले ओपनर शिखर धवनलाई ब्यक्तिगत ४५ रनमा गुमायो । देव खनालले ३४ बलमा २५ रन बनाएर कुशल मल्लको बलमा आउट भएका थिए । यस्तै चान्ड्रीक वाल्टनले ३० तथा मक्सुद १२ रनमा अविजित रहे । अर्जुन १०बलमा रन आउट हुँदा गुल्सन झा ० बलमा अविजित रहे । २० औं ओभरको पाचौं बलमा चौका प्रहार गर्दै मक्सुदले टोलिलाई पहिलो जित दिलाए । कर्णालीले ४ विकेटको नोक्सानीमा १३२ रन बनाउदै ६ विकेटको महत्त्वपूर्ण जित निकाल्यो । पहिलो जीतले कर्णालीलाई केहि राहत मिलेको छ । यस्तै बलिङ तर्फ कुशल,बोपारा र इटनले समान १ विकेट लिए ।