संघीय निजामती सेवा विधेयक पारित नहुँदा समस्या : मुख्यसचिव अर्याल
570
shares
काठमाडौं । मुख्यसचिव एकनारायण अर्यालले कर्मचारीको मनोबल उच्च नहुँदा नागरिकलाई सेवा दिन नसकिएको बताएका छन् । प्रतिनिधिसभाअन्तर्गतको राज्यव्यवस्था तथा सुशासन समितिको आइतबारको बैठकमा उनले यस्तो बताएका हुन् ।
संघीय निजामती सेवा विधेयक पारित नहुँदा समस्या भएको उनको भनाइ छ ।
निजामती विधेयकमाथिको छलफलका क्रममा उनले राजनीतिक संघीयता कार्यान्वयन भएको उल्लेख गरे । तर, प्रशासनिक संघीयता कार्यान्वयन हुन नसकेको उनको आरोप छ ।
कानुन अभावमा २०० कर्मचारीले पेन्सनपट्टा नपाएको उनले सुनाए । उनले भने, “स्थायी संयन्त्र भनिए पनि अस्थायीजस्तै भयो । कानुन अभावमा प्रदेश मन्त्रालयमा कर्मचारी खटाउन सकिएको छैन ।”
चाँडो विधेयक टुंगो लगाए मात्र संघीयता कार्यान्वयन हुने र कर्मचारीतन्त्र पद्धतिगत ढंगले चल्ने उनले बताए ।
वि.सं.२०८१ मंसिर २३ आइतवार १६:१२
