काठमाडौं । प्रधानमन्त्री केपी शर्मा ओलीले भ्रष्टाचारकै कारण आर्थिक हिसाबले देशको अवस्था नाजुक बनेको बताएका छन् । ललितपुर महानगरपालिकाको १०६औँ स्थापना दिवसमा अवसरमा मंगलबार ललितपुरमा आयोजित कार्यक्रममा बोल्दै प्रधानमन्त्री ओलीले यस्तो बताएका हुन् ।

प्रधानमन्त्री ओलीले भ्रष्टाचार गर्नेको मुख हेरेर नभई अपराध हेरेर कारबाही गर्ने पनि बताए । उनले व्यवस्था परिवर्तनपछि पूर्वाधारका क्षेत्रमा विकास भएको र सरकार अभिभावक बनेर प्रस्तुत भएको दाबी गरे । नसक्ने र गरिब जनताका लागि अभिभावक बनेर वर्तमान सरकार प्रस्तुत भएको उनको भनाइ छ ।

ओलीले व्यवस्था बदलिए पनि अवस्था बदलिएन भन्ने भ्रम फैलाइएकोप्रति सचेत हुन आग्रह गरे । .