काठमाडौं । नेकपा एमालेका वरिष्ठ उपाध्यक्ष ईश्वर पोखरेलले एमाले–कांग्रेसबीचको सहमति सत्ताका लागि नभई मुलुकको संकट समाधानका लागि भएको बताएका छन् । पत्रकार महासंघका नवनिर्वाचित पदाधिकारीलाई बधाई ज्ञापन गर्दै उनले यस्तो बताएका हुन् ।

मुलुकमा संकट देखिँदा एमाले–कांग्रेसबीच सहकार्य हुनु स्वाभाविक रहेको उनको भनाइ छ ।

नेपाल प्रेस युनियन र प्रेस चौतारी नेपालले बुधबार काठमाडौंमा आयोजना गरेको कार्यक्रममा पोखरेलले विभिन्न कालखण्डमा मुलुक समस्यामा पर्दा एमाले–कांग्रेसबीच सहकार्य भएको स्मरण गरे ।
मुलुकको पहिलो र दोस्रो दल मिलेर सरकार बनाउनुलाई अन्यथा लिन नहुने उनले प्रष्ट पारे ।