सहकारी प्रकरणको अनुसन्धान कानुनी रूपमा अघि बढेको छ : प्रकाशमान सिंह
360
shares
चितवन । उपप्रधानमन्त्री तथा सहरी विकासमन्त्री प्रकाशमान सिंहले सहकारी प्रकरणको अनुसन्धान कानुनी रूपमा अघि बढेको बताएका छन् । नेपाल प्रेस युनियन चितवनले आज चितवनमा आयोजना गरेको पत्रकार सम्मेलनमा उपप्रधानमन्त्री सिंहले कानुन सबैका लागि बराबर भएको बताएका हुन् ।
“कानुन सबैका लागि समान हो । कानुनअनुरूप हुनुपर्ने हुन्छ,” उनले भने ।
उनले भने, “संविधान संशोधन गर्न निश्चित विधि र प्रक्रिया पूरा गर्नुपर्ने हुन्छ । एउटा पार्टीले गरेर मात्र हुँदैन । यो काम संसद्मा रहेका सबै दलसँगको परामर्शमा दुईतिहाइ बहुमतबाट गर्नुपर्ने हुन्छ ।”
अहिलेको सरकारले अघिल्ला सरकारहरूले गरेका कामलाई विशेष ध्यान दिँदै व्यवस्थित गरेर अघि बढेको उपप्रधानमन्त्री सिंहको भनाइ थियो ।
फरक प्रसंगमा उपप्रधानमन्त्री सिंहले मेला महोत्सवबाट देशको अर्थतन्त्रलाई चलायमान बनाउन सहयोग पुग्ने बताए ।
वि.सं.२०८१ पुस ११ बिहीवार १४:४१
