आगामी महाधिवेशनमा सभापतिमा उठ्नेबारे कुनै कुरा गरेको छैन : कोइराला
450
shares
काठमाडौं । नेपाली कांग्रेसका नेता शेखर कोइरालाले राजनीतिक स्थायित्वका लागि कांग्रेस र एमालेबीच गठबन्धन बनाएर सरकार बनाउनुपरेको बताएका छन्। आइतबार जनकपुरधाममा पत्रकारसँगको भेटमा कोइरालाले यस्तो बताएका हुन् ।
पार्टी सभापति शेरबहादुर देउवासँग कुनै मतभेद नरहेको उनको दाबी छ ।
उनले भने, मेरो सभापतिजीसित कुनै किसिमको रिस, राग, द्वेस छैन । उहाँ मेरो आदरणीय सभापति हुनुहुन्छ, उहाँले बोलाएका बेला म जान्छु । मैले कुनै सूचना पाएँ भने भेटेर भन्छु, फोन गरेर भन्छु ।
उनले पार्टीमा १५ वर्षसम्म महाधिवेशन प्रतिनिधि भएका कुनै पनि नेता सभापति पदका लागि उमेदवार बन्न सक्ने वैधानिक व्यवस्था रहेको बताए ।
उनले थापाले आफूसँग आगामी महाधिवेशनमा सभापतिमा उठ्नेबारे कुनै कुरा नगरेको पनि बताए ।
वि.सं.२०८१ पुस १४ आइतवार १८:०८
