काठमाडौं । काठमाडौंको कमलपोखरीस्थित सानदार मःम पसलमा आगलागीमा परी घाइते भएका मध्ये दुईजनाको मृत्यु भएको छ । जिल्ला प्रहरी परिसर काठमाडौंका अनुसार (माघ २८) गते सोमबार राति उनीहरूको मृत्यु भएको हो ।

उपचारका क्रममा रविन राई र भीमबहादुर घलेको मृत्यु भएको कीर्तिपुर बर्न अस्पताल परिसर काठमाडौंका प्रमुख एवं एसएसपी विश्व अधिकारीले बताएका छन् ।

माघ २४ गते काठमाडौंको कमलपोखरीस्थित सानदार मःम पसलमा आगलागीमा ११ स्टाफ घाइते भएका थिए भने दुईजनाको अवस्था चिन्ताजनक रहेको थियो ।

ग्यास लिक भएर आगलागी हुँदा सो मःम पसलका ११ स्टाफ घाइते भएका थिए । तीमध्ये दुईजनाको मृत्यु भएको हो । अरू घाइतेको सोही अस्पतालमा उपचार भइरहेको छ ।