काठमाडौं । शिक्षा विज्ञान तथा प्रविधि मन्त्रालयले विद्यार्थीमाथि यातना दिनेलाई हदैसम्मको कारबाही गर्न निर्देशन दिएको छ । मन्त्रालयले विद्यार्थीमाथि गालामा तातो पन्युले डामेको र विद्यार्थीको आँखा फुटेको घटनामा गम्भीर ध्यानकर्षण जनाउँदै अभिभावक, स्थानीय प्रशासन र सरोकारवालालाई यस्तो निर्देशन दिएको हो ।

तनहुँको भिमादस्थित प्रभात एकेडेमी बोर्डिङका लेखापालले तीनजना विद्यार्थीमाथि गालामा तातो पन्युले डामेको थियो । त्यस्तै, नवलपरासी पश्चिमको एच पाठशालामा शिक्षकले यातना दिएर विद्यार्थीको आँखा फुटेको थियो ।

त्यसैगरीि, दक्षिणकाली काठमाडौंको जुनकिरी स्कुल तथा शंखरापुरमा एचएस एकेडेमीको बस दुर्घटना भई विद्यार्थीको मृत्यु भएको घटनामा तत्काल छानबिन गर्न पनि मन्त्रालयले प्रहरीलाई अनुरोध गरेको छ ।

सवारी साधनको मापदण्ड ‘स्कुल बस निर्देशिका २०४७’ अनुसार पालना गर्न मन्त्रालयको निर्देशन छ ।