औषधि क्षेत्रमा सुशासन कायम गर्न लागिपरेको छु : मन्त्री पौडेल
426
shares
काठमाडौं । स्वास्थ्यमन्त्री प्रदीप पौडेलले राज्यले स्वदेशी औषधि उत्पादनलाई प्रोत्साहन गर्ने बताएका छन् । आइतबार काठमाडौंमा नेपाल औषधि थोक व्यवसायी महासंघको दोस्रो राष्ट्रिय महाधिवेशन उद्घाटन गर्दै मन्त्री पौडेलले यस्तो बताएका हुन् ।
स्वदेशी औषधि उत्पादकले अधिकतम रूपमा नागरिकलाई सहलियत दिनुपर्नेमा उनले जोड दिए ।
उनले आफूले पद सम्हालेपछि औषधि क्षेत्रमा सुशासन कायम गर्न लागिपरेको उल्लेख गरे ।
जेनरिक औषधिको गुणस्तरीयता सुनिश्चितता भए नेपालमा जेनरिक औषधि लागु गर्न सकिने उनले बताए । मन्त्री पौडेलले विभिन्न ९८ वटा औषधिको गुणस्तरीयता कायम भएन भने बिक्री वितरण रोक्ने चेतावनी दिए ।
वि.सं.२०८१ फागुन ४ आइतवार १७:०४
