फागुन २१, काठमाडौं । सञ्चार तथा सूचना प्रविधिमन्त्री पृथ्वीसुब्बा गुरुङले नेकपा (माओवादी केन्द्र) हिंसा भन्ने शब्दबाट किन भगिरहेको भनि प्रश्न गरेका छन् । सहिद यदुकुमार गौतमको २६औँ स्मृति दिवसका अवसरमा बुधबार राजधानीमा आयोजित एक कार्यक्रममा उनले यस्तो प्रश्न गरे ।

“माओवादी हिंसा भन्ने शब्दबाट किन भागिरहेको छ ? माओवादबाट किन भागिरहेको छ ? जनयुद्ध त बेचेर खाइसक्यो,” उनले भने ।

उनले माओवादी संकटमा भएर नाटक गरिरहेको बताए । “माओेवादको औचित्य समाप्त भयो । जनयुद्ध ठिक भन्न सकेको छ आज ?,” उनले प्रश्न गरे ।

नेकपा (एमाले)का उपमहासचिव समेत रहेका गुरुङले माओवादीलाई रुकुम, रोल्पाबाट पराजित नगरे देशमा अस्थिरता कायमै रहने पनि बताए ।