काठमाडौं । प्रदेश सरकारहरुले संघीय तहबाट तोकिएको बाहेक थप ६ दिन मात्र सार्वजनिक बिदा दिने भएको छ ।

सरकारले बिदासम्बन्धी व्यवस्थामा सार्वजनिक बिदाका वारेमा यस्तो व्यावस्था मिलाएको छ ।

‘प्रदेश सरकारहरुले आ–आफ्नो प्रदेशको धर्म, संस्कृति र रीतिस्थिति समेतलाई दृष्टिगत गरी घोषणा गरेका बढीमा वर्षको ६ दिनसम्मको सार्वजनिक बिदाको व्यावस्था मिलाएको उल्लेख गरिएको छ ।

यसअघि कतिपय प्रदेश सरकारहरुले आफूखुसी बिदाको निर्णय गरेका थिए । तर प्रदेश मातहतकै संघीय कार्यालयहरुले ती बिदा कार्यान्वयन नगर्दा अन्योलमा परेपछि सो समस्या समाधानका लागि सरकारले वार्षिक ६ वटा त्यस्ता बिदामा प्रदेशमा रहेका संघीय सरकारका कार्यालयहरुमा समेत बिदा गर्ने’ घोषणा गरेको हो ।

प्रदेश सरकारले हरेक वर्षको सुरुवाती अघि राजपत्रमा सूचना प्रकाशित गरी बिदा घोषणा गर्नुपर्ने भएको छ । सो पश्चात मात्रजिल्ला प्रशासन कार्यालयहरुले गृह मन्त्रालयमा जानकारी गराउनुपर्ने भएको छ ।

६ दिनभन्दा बढी हुने बिदाको निर्णय भने संघीय गृह मन्त्रालयले मात्रै गर्ने र काठमाडौं उपत्यकाभित्रको जिल्लाहरुबारे भने गृहमन्त्रालयले निर्णय गर्ने भएको छ ।