संसदमा दर्ता भएको चार वर्षपछि बीमा विधेयक पारित, समितिलाई प्राधिकरण बनाइने
240
shares
काठमाडौं । प्रतिनिधिसभामा चार वर्ष अगाडि प्रस्तुत भएको बीमासम्बन्धी विधेयक आिइतबार पारित भएको छ । यो विधेयक आज संसदमा बहुमतले पारित गरिएको हो ।
अर्थ समिति, राष्ट्रियसभा र प्रतिनिधिसभामा दफावार छलफलपछि विधेयक पारित भएको छ । यो विधेयक पारित भएसँगै अब बमिा समिति पनि प्राधिकरण हुने भएको छ ।
अर्थमन्त्री जनार्दन शर्माका अनुसार आज पारित भएको विधेयक सभामुख अग्निप्रसाद सापकोटाले प्रमाणीकरणको लागि राष्ट्रपति विद्यादेवी भण्डारीकहाँ पठाउने छन् ।
राष्ट्रपतिबाट विधेयक पारित भएपछि यो विधेयले बीमा ऐनको स्वरुप लिनेछ र सोही ऐन बमोजिम अहिलेको बिमा समिति अधिकारसम्पन्न बिमा प्राधिकरणका रूपमा परिणत हुनेछ ।
पूर्वअर्थमन्त्री डा. युवराज खतिवडाले बिमा विधेयक ०७५ असारमा संसद्मा पेस गरेका थिए । उक्त विधेयकमा बिमा प्राधिकरणको सञ्चालक समिति तथा अध्यक्ष नै परिवर्तन हुने व्यवस्था थप गरिएपछि विवाद भएको थियो ।
वि.सं.२०७९ साउन २९ आइतवार १४:३४
