काठमाडौँ । अनधिकृत संरचना हटाउन शुरु काठमाडौँ महानगरपालिका आज वनस्थली क्षेत्रमा पुगेको छ । वनस्थली चोकबाट ढुङ्गेधारा जानेतर्फ रहेको अनधिकृत घर टहरा महानगरले भत्काउन थालेको हो ।

नगर प्रहरी प्रमुख राजु पाण्डेको अनुसार सार्वजनिक जग्गामा रहेको, स्वीकृत नलिई बनाइएको घर टहरा आज बिहानबाट भत्काउन शुरु गरेको छ । महानगर प्रहरी, नेपाल प्रहरी सहितको टोली वनस्थली चोकमा रहेका छन् । केही स्थानीयले विरोध गरे पनि डोजर लगाउन शुरु भएको पाण्डेको भनाई छ ।