काठमाडौं । आगामी मंसिर ५ गते हुन लागिरहेको प्रतिनिधिसभा र प्रदेशसभाको निर्वाचनको सुरक्षा प्रयोजनका लागि म्यादी प्रहरीमा सरकारले आव्हान गरेको भन्दा दोब्बर बढी आवेदन परेको छ । जम्मा १ लाख १५ हजार म्यादी प्रूहरीका लागि आवेशदन माग भएकोमा त्यसको दोब्बरभन्दा पनि बढी १ लाख ३२ हजार ८८ जनाको आवेदन परेको हो ।

म्यादी प्रहरीमा भर्ना हुन १ लाख ७१ हजार ७१८ जना पुरुष र ६० हजार ३७० जना महिलाले आवेदन दिएका प्रहरी प्रधान कार्यालयका प्रवक्ता प्रहरी अतिरिक्त महानिरीक्षक टेकप्रसाद राईको भनाई रहेको छ ।

प्रहरी प्रधान कार्यालयले भदौ २६ गते १ लाख १५ हजार म्यादी प्रहरीका लागि आवेदन आव्हान गरेर सूचना प्रकाशित गरेको थियो । सोही सूचना बमोजिम भदौ ३० गतेदेखि असोज ६ गतेसम्म आवेदन दिनको लागि एक हप्ताको समय तोकिएको थियो । सो अवधिमा यतिका धेरैले आवेदन दिएका हुन् ।

प्रवक्ता राईले दिएको जानकारी अनुसार असोज ९ बाट म्यादी प्रहरीको छनोट शुरु हुनेछ ।

निर्वाचनको सुरक्षामा खटिनको लागि भर्ना गरिने म्यादी प्रहरीको कार्यकाल ४० दिनको हुन्छ । त्यस अवधिसम्म सेवा गरे बापत उनीहरुले तलब र रासन बापत ४१ हजार ९६० रुपैयाँ पाउँछन् ।