निशा ठकुरी

ललितपुर । ललितपुरको गोदावरी नगरपालिका साबिकको बज्रबाराही नगरपालिका, गोदावरी नगरपालिका, कार्यविनायक नगरपालिकाको छम्पी र डुकुछाप तथा साबिकको देवीचौर गाबिस मिलाएर बनाइएको हो ।

यस नगरपालिकाको पूर्वमा काभ्रेपलाञ्चोक जिल्ला, पश्चिममा काठमाडौंको दक्षिणकाली नगरपलिका र मकवानपुर जिल्ला, उतरमा ललितपुर महानगरपालिका पर्दछन् । समुन्द्री सतहबाट ४५७ मीटर देखि २८३१ मीटरसम्म उचाइमा रहेको यो नगरपालिका प्राकृतिक सौन्दर्य, ऐतिहासिक महत्वपूर्ण भरिपूर्ण रहेको पाइन्छ । हरियालीसँगै प्राकृतिक छटाले रणणीय यस नगरपालिकामा समशितोषण हावापानी रहेको पाइन्छ ।

१२ वर्षमा एक पटक आउने धुमधाम रुपले भक्तजनहरु उपस्थित हुने ऐतिहासिक र धार्मिक महत्व बोकेको गोदावरी मेला पनि यसै नगरपालिकामा पर्दछ ।

यस नगरपालिकाको प्रमुखमा नेपाली कांग्रेसका नेता गजेन्द्र महर्जन निर्वाचित छन् भने उपप्रमुखमा नेपाली कांग्रेसबाटै मुना अधिकारीले जितेकी हुन् । गोदावरी नगरपालिकाका प्रमुख गोजन्द्र महर्जन र उपप्रमुख अधिकारीको यो दोस्रो कार्यकाल हो ।

महर्जन र अधिकारी दुवैले गत २०७९, वैशाख ३० गतेको स्थानीय निर्वाचनमा दोस्रो कार्यकालका लागि सानदार मतका साथ जित हासिल गरेका हुन् । दोहोरिएर चुनाव लड्नेहरु अधिकांश ठाउँमा हारिरहँदा थोरैमध्ये जित्नेमा महर्जन र अधिकारी पर्छन् । आग्रह, पूर्वाग्रहबिना जनताका जन्दबन्दा समस्या समाधान गर्ने र आफ्नो क्षेत्रको विकास निर्माणमा दत्तचित्त भएर लागि पर्ने व्यक्तिहरु नै दोहो¥याएर, चुनाव जित्न सफल हुन्छन् ।

दोस्रो पटक पनि सोही पदमा चुनाव जित्न सफल हुने व्यक्तिले उक्त ठाउँमा राम्रो काम गरेकै कारण हुनुपर्छ । त्यसमा गोदावसरी नगरपालिकाका प्रमुख, उपप्रमुखले इमानदारीपूर्वक निश्कलंकित भएर काम गरेकै कारणले दोस्रो पटक पनि चुनाव जितेका हुन् ।

त्यसैले नै उनीहरु नगरपालिका भवन बनाउन सफल भएका हुन् । त्यो पनि अत्यन्त कलात्मक ढंगले ललितपुरको पुरातात्विक र ऐतिहासिक झल्को दिने गरी नगरपालिका भवन निर्माण गरिएको छ ।

हाँको प्राकृतिक सौन्दर्यसँगै उक्त नगरपालिका भवनको स्थान र कलाकृति हेर्दा त्यहाँ पुग्ने जो कोही आनन्दित हुन्छन् । घुम्दै जाने क्रममा गोदावरी नगरपालिका भवन निर्माणको स्थान, तौरतरिका र व्यवस्थापन देख्दा त्यहाँका जनप्रतिनिधिले साच्च्किै भित्रि मनदेखि काम गरेको पाइयो ।