काठमाडौं । बाराको सिमरा विमानस्थलमा नेकपा एमालेका अध्यक्ष केपी शर्मा ओली चढेको हेलिकप्टरआकस्मिक अवतरण गरिएको छ।

रौतहटको गौरमा आयोजित कार्यक्रममा सहभागी हुन काठमाडौंबाट जाने क्रममा मौसम खराबी भएपछि ओली चढेको हेलिकप्टर आकस्मिक अवतरण गरिएको स्रोतले जनाएको छ ।

स्रोतका अनुसार अत्यधिक वर्षाका कारण गौर पुग्न नसक्ने भएपछि सिमरा विमानस्थलमा सुरक्षित रुपमा अवतरण गरिएको हो ।

स्रोतले ओली करिब ४५ मिनेट विमानस्थलमा रोकिएपछि रौतहटतर्फ लागेको जानकारी दिएको छ ।