सिन्धुली । तीनपाटन गाउँपालिका वडा नम्बर १ बेलघारीस्थित चन्द्रावती माध्यमिक विद्यालयले स्थापनाको ४१ औं वार्षिकोत्सव तथा अभिभावक दिवस भव्य कार्यक्रमबीच सम्पन्न गरेको छ । कार्यक्रम विद्यालय व्यवस्थापन समितिका अध्यक्ष खेमराज दाहालको अध्यक्षता र तीनपाटन गाउँपालिका उपाध्यक्ष धनबहादुर पुलामी मगरको प्रमुख आतिथ्यतामा सम्पन्न गरेको हो ।

उपाध्यक्ष मगरले विद्यालयको विकास तथा गुणस्तरीय शिक्षाका लागि स्थानीय सरकारले जस्तोसुकै सहयोग गर्न पछि नपर्ने बताएका छन् । त्योसँगै गाउँपालिकाले विद्यालयको जग्गा विवाद मिलाउन सहजिकरण गर्ने वचनवद्धा व्यक्त गरेका छन् ।

कार्यक्रममा पूर्व प्रधानध्यापक रामजी सुवेदी, भुवन प्रसाद दाहाल, अर्जुन प्रसाद बराल, केशब प्रसाद पहाडी, अर्जुन कुमार घिमिरे, पूर्व विद्यालय व्यवस्थापन समिति अध्यक्ष खेमराज दाहाल, कृष्णहरि घिमिरे, गम्भीर सिंह तामाङ, नानीमाया पाण्डेलगायतलाई सम्मान गरिएको थियो ।

कार्यक्रममा प्रधानध्यापक चेत बहादुर तामाङ्गले १ करोड २५ लाख ५४ हजार ३ सय ६५ रूपैया बराबरको बार्षिक आय(व्याय प्रस्तुत गरेका थिए । त्यसैगरी पूर्व विध्यार्थी धनबहादुर सुनुवारले आफ्नो बुबा बुद्धबहादुर सुनुवार र आमा दिलमाया सुनुवारको नाममा अक्षय कोष र पदम प्रसाद बराल र तोया बरालको नाममा खडा गरिएको अक्षय कोषबाट बिद्यालका गरिब तथा जेहेनदार १४ जना बालबालिकालाई छात्रावृत्ति प्रदान गरिएको थियो ।

त्यसैगरी कक्षागत प्रथम, द्वितीय, तृतीय हुने विद्यार्थी तथा खेलकुदमा उत्कृष्ठ हुने बालबालिकालाई छात्रवृत्ति वितरण गरिएको थियो । उत्कृष्ठ शिक्षक लक्ष्मी कुमारी पोखरेल, लता ढुङ्गेल र पुरूषोतम परियालाई पनि सम्मान गरिएको थियो ।

कार्यक्रममा तीनपाटन गाउँपालिका वडा नम्बर १ का वडाध्यक्ष गोविन्द बहादुर राउत, नेपाली काँग्रेसका मुकेश घिमिरे, नेकपा एमालेका विष्णु नेपाल, नेकपा माओवादी केन्द्रका रमेश अधिकारी लगायतले शुभकामना मन्तव्य राखेका थिए। शिक्षिका सरिता श्रेष्ठले कार्यक्रम संचालन गरेकी थिइन् ।