काठमाडौं । नेकपा एमालेका सचिव योगेशकुमार भट्टराईले नेपाली कांग्रेसजस्तो लामो समय संसदीय अभ्यास गर्दै आएको पार्टीले निरन्तर संसद् अवरुद्ध गर्न नहुने बताएका छन् ।

आइतबार प्रतिनिधिसभा बैठकपछि संसद् भवन बाहिर सञ्चारकर्मीलाई प्रतिक्रिया दिँदै उनले सदनको गतिरोध अन्त्यका निम्ति नेपाली कांग्रेस अहिलेको परिस्थितिबाट पछाडि हट्नुपर्ने बताएका हुन् ।

उनले सरकारलाई जेठ १५ गते संसद्‌मा बजेट पेस गर्नुपर्ने संवैधानिक बाध्यता रहेको बताए । सरकार कांग्रेससँग सहमतिको लागि निरन्तर प्रयास गरिरहेको भन्दै उनले यही जेठ १५ गते बजेट पेस गर्नुअघिसम्म सहमति गर्ने बताए ।

उनले कांग्रेसले निरन्तर संसद् अवरोध गर्दा बाहिर नकारात्मक सन्देश जाने अवस्थाको सिर्जना भएको बताए ।