काठमाडौं । स्वास्थ्य तथा जनसंख्यामन्त्री प्रदीप पौडेलले डेंगी नियन्त्रणका निम्ति ‘खोज र नष्ट गर अभियान तथा मृत्युलाई शून्यमा राख्न तीनवटै तहमा समन्वयको काम भइरहेको बताएका छन् ।

मंगलबार प्रतिनिधिसभामा सांसदहरूले उठाएका प्रश्नको जवाफ दिने क्रममा मन्त्री पौडेलले पछिल्ला ६ महिनायता एकहजार ८०० जनामा डेंगी पुष्टि भएको उल्लेख गर्दै आगामी तीन महिनाको जोखिमलाई हेरेर तयारी गरिएको उनको भनाइ छ। मन्त्री पौडेलले डेंगी संक्रमण नियन्त्रणका निम्ति स्थानीय तह, अस्पताल तथा स्वास्थ्यकर्मीलाई तयारी अवस्थामा राखिएको बताए ।

डेंगी परीक्षणका निम्ति सबै तहमा गरी ४६ हजार किट वितरण गरिएको र प्रदेशस्तरका प्रयोगशालालाई पनि तयारी अवस्थामा राखिएको उनको तर्क छ । उनले जापानमा प्रयोग भइरहेको डेंगीविरुद्धको खोप ल्याउनेबारे पनि मन्त्रालयले पहल गरिरहेको जनाएका छन् ।