नबिल बैंकले ल्यायो, सुन धितो राखेर तुरुन्तै ऋण लिन सक्ने नयाँ योजना
1.2K
sharesकाठमाडौं । नबिल बैंक लिमिटेडले तुरुन्तै सुन धितो राखी ऋण लिन सक्ने नयाँ ‘इन्स्ट्यान्ट गोल्ड लोन’ योजना ल्याएकोे छ । बैंकले आफूलाई आवश्यक पर्दा बिना कुनै झन्झट सुन धितो राखी एक घन्टाभित्र पाउने सुविधासहित यो ऋण योजना ल्याएको हो ।
यो ऋण योजनाअन्तर्गत १२ दशमलब ३० प्रतिशत ब्याजमा १० लाख रुपैयाँसम्मको ऋण दिइने बैंकले जनाएको छ । आवेदन दिएदेखि ऋण प्राप्तिसम्मको समय एक घण्टाको अवधिमा ऋण पाइने भएकाले तत्काल समस्या समाधानमा सहयोग पुग्ने बैंकले दाबी गरेको छ ।
त्यस्तै, सुनको लागि निःशुल्क बीमाको व्यवस्था पनि गरिएको छ । बैंकले ग्राहकको विभिन्न वित्तीय आवश्यकताहरू पूरा गर्न यस्तो कार्यक्रम ल्याएको जनाएको छ ।
बैंकले तत्कालका लागि नेपालभर आठ वटा शाखाबाट यो सेवा दिने जनाएको छ । उपत्यका भित्रका ग्राहकहरूका लागि कुमारीपाटी, कालीमाटी र सूर्यविनायक शाखा र उपत्यका बाहिरका ग्राहकका लागि धरान–महेन्द्रपथ, बुटवल–चौराहा, नेपालगन्ज (भानुभक्त चोक), फिदिम र चिप्लेढुङ्गाबाट सुन कर्जा उपलब्ध गराउने बैंकले जनाएको छ ।
वि.सं.२०८० पुस १२ बिहीवार १७:१२